بالله بيش نبدالك؟!
ومنين نبدا من قبيح أفعالك؟!
لا طلعت لعمامك ولا لخوالك
سفاح مالك دم ولا انسانية
بالله كيف تنام؟
ورزقك ومالك مصدره الحرام!
يلعن افعالك كل منهو صام
وصدق برسالة ربنا ونبيه
ويلعن افعالك كل منهو قام
وصلى صلاة الليل والفجرية
ندعي عليك الله يا علام
يشدوك متلبس بفعلة كية
وتحكم عليك المحكمة باعدام
لا طعن ولا استئناف في القضية
تقعد سجين الحبس سبعة أعوام
أيامك غبر ومعيشتك دونية
وفي يوم عيد ينفذوا الأحكام
سبعة جنود تجيبهم دورية
نصدر الأوامر يسحبوا الأقسام
ويك***وك بنار تصلي حية
رمي بالرصاص يدقدقوا العظام
ومازال تتخلط كبدتك عالرية
قدام كل الناس خاص وعام في نقل مباشر عالعربية
وسبعين بنت يزغرتن القدام
وفيه كيفهن سبعين في الخلفية
غبطة وفرحة اليوم يا سلام
قتلوا الدني ودفنوا أفعاله السية
قتلوا الدني بللي داره
ربطوا كراعه بتل في سيارة
وكروه في وسط البلاد جهارة
عظة وعبرة للعرب جملية
ويذكروا في الناس بللي داره
هكي نهاية كل داير سية
موضوع: بالله بيش نبدالك!!!! 
الأربعاء يوليو 29, 2009 7:46 am
